Neste 2026, regresan os Concertos do Xacobeo, un programa amplo e plural que apoia aos principais eventos musicais de Galicia e que, ano tras ano, aposta por situala como un dos destinos referentes para os públicos coas preferencias culturais máis esixentes e diversas.

Rock, pop, heavy, electrónica, jazz, funk, fusión e unha ampla gama de estilos musicais para todos os gustos encherán de sons e sensacións Galicia ao longo de todo o ano, da man de citas de referencia do calendario musical como O Son do Camiño, o Gozo Festival, o Resurrection Fest, Portamérica, Jaleo!, o Festival de la Luz, Costa Feira e moitos outros eventos singulares que dotan de identidade á nosa terra. Máis de 800 figuras imprescindibles da música actual galega, nacional e internacional non faltarán á súa cita cos Concertos do Xacobeo neste 2026.

Concertos do Xacobeo é un evento universal para achegar a todos os públicos os mellores concertos internacionais, nacionais e galegos. En Concertos do Xacobeo teñen cabida eventos de grande, mediano e pequeno formato, dos festivais máis esperados aos máis singulares ou segredos. Sons que van da música urbana ao pop, o rock, o funk, a electrónica, o reggae, a canción de autor, as músicas de raíz e moitos máis estilos reúnense ano tras ano en Galicia na órbita dos Concertos do Xacobeo: unha cita cos mellores artistas de hoxe e de sempre; un espazo aberto ás novidades máis buscadas e aos grandes clásicos; un programa de concertos rico e ecléctico, para todos os gustos e idades.

Concertos do Xacobeo chega, así, a todos os recunchos da nosa terra, cun mapa sonoro amplo, rico e diverso que abrangue todo o noso territorio, ao longo de todo o ano.

Lánzate á estrada e que a música non pare! Descubre o programa de Concertos do Xacobeo:

A aposta renóvase ano tras ano par dar apoio a citas da categoría do Son do Camiño, o Gozo Festival, o Resurrection Fest, o Festival de la Luz ou Ortigueira, todos eles, eventos de gran talante que sitúan no mapa internacional a Galicia, convertendo a nosa comunidade na punta de lanza dos eventos musicais da Península na época estival.

Neste 2026, Turismo de Galicia sinte orgullo de apoiar, de novo, a través do selo Concertos do Xacobeo, estas citas e acollida multitudinaria que serven como motor económico, turístico e cultural de Galicia. A altísima calidade dos carteis de case dous centenares de eventos ricos e eclécticos, con demandados artistas de pegada internacional e cunha firma aposta, tamén, polo talento galego tan en auxe nos nosos tempos, contribúe a reforzar a imaxe exterior do noso singular e rico territorio.

Percorre e descobre Galicia de evento en evento! Consulta o mapa sonoro de Concertos do Xacobeo: