Fito & Los Fitipaldis: Vigo

Fito & Fitipaldis regresan aos escenarios con ‘Aullidos Tour. Teatros y Auditorios’, unha xira que aposta por un formato máis próximo e que percorrerá teatros e auditorios de diferentes cidades entre outubro de 2026 e maio de 2027.

No marco dos Concertos do Xacobeo, a banda de Fito Cabrales chegará a Vigo o 30 de outubro, cun concerto no Auditorio Mar de Vigo, no que combinará cancións do seu último traballo, ‘El monte de los aullidos’, con clásicos do seu repertorio, reinterpretados con novos matices.