Franz Ferdinand

Neste 2025, os Concertos do Xacobeo, impulsados por Turismo de Galicia, ofrecen ao público unha oportunidade única para gozar dunha banda mítica en formato reducido. O sábado, 15 de febreiro, ás 21.00h, Franz Ferdinand aterra en Galicia da man do Gozo Festival. Os de Glasgow presentan na Sala Pelícano da Coruña os temas do seu novo disco The Human Bear, no marco dunha xira internacional que conta con tres únicas paradas en España: esta na cidade herculina e as de Madrid e Barcelona. Trátase da primeira vez que se poderá ver á formación en Galicia en formato sala. As entradas esgotáronse en apenas horas na súa saída a venda o pasado mes de setembro.

Franz Ferdinand conta con millóns de discos vendidos polo mundo enteiro; discos que soan sempre a “Best Of”; cinco álbums atemporais repletos de cancións que che fan sentir vivo e que non só acompañaron a toda unha xeración, senón que tamén se transmiten de nai a fillo e de pai a filla.

Unha das citas máis destacadas no calendario anual dos Concertos do Xacobeo é o Gozo Festival, que neste 2025 achega a Galicia figuras internacionais de renome como Lenny Kravitz (nun concerto no que contará con Estrella Morente como artista convidada), David Guetta, Alanis Morissette, Maná ou Lionel Richie, ademais de novos nomes que pouco a pouco seguirán a anunciarse.

Neste 2025, o Gozo Festival consolídase co apoio da Xunta de Galicia para celebrar a súa terceira edición coa singularidade artística como estandarte, con estrelas mundiais de estilos musicais ricos e plurais, para o goce dos públicos máis diversos, ofertando oportunidades únicas de ver na nosa terra, en exclusiva, xiras mundiais de renome.

Outra das súas singularidades do Gozo Festival é que se trata dun evento espallado no tempo, con concertos que se dosifican ao longo de todo o ano, que axuda a desestacionalizar o turismo e que xera un impacto económico moi salientable e positivo, promovendo o emprego e gasto nas cidades que o acollen.