Eidos: Isabel Dobarro

A pianista galega Isabel Dobarro, gañadora do Latin Grammy 2025 a Mellor Álbum de Música Clásica, actuará no Teatro Colón da Coruña coincidindo co Día das Letras Galegas.

O concerto inaugurará o ciclo Eidos, que conta co apoio dos Concertos do Xacobeo. Dobarro interpretará o seu premiado álbum ‘Kaleidoscope’, centrado en obras de compositoras mulleres de todo o mundo, incluíndo pezas de autoras e autores galegos. A actuación destaca polo seu enfoque divulgativo e a súa coidada posta en escena, achegando a música clásica a novos públicos a través dunha combinación de interpretación, luz e explicación das obras en directo.