Concertos do Nordés: Caamaño & Ameixeiras

Caamaño & Ameixeiras achegan unha mirada contemporánea á música de raíz galega. O dúo, formado por Sabela Caamaño e Antía Ameixeiras, constrúe un directo enérxico e persoal no que o acordeón e o violín dialogan con diferentes linguaxes da música popular.

No marco dos Concertos do Xacobeo, os Concertos do Nordés levan a artistas da escena galega ata diferentes localidades da Costa da Morte, contribuíndo a dinamizar a actividade cultural e a converter este territorio nun escenario para o encontro arredor da música en directo.