Festa da Rosa

O dúo colombiano Cali & El Dandee chega á Festa da Rosa dentro da programación dos Concertos do Xacobeo. Será o 5 de xuño no Pazo de Mos, con entrada gratuíta.

A Festa da Rosa de Mos é unha das celebracións máis representativas do calendario festivo galego, declarada Festa de Interese Turístico de Galicia. Naceu en 1973 para enxalzar a rosa de Quirós e agora é unha cita cultural, musical e gastronómica, pois inclúe a exaltación da empanada de millo e a promoción do viño rosado de Galicia.