10 Maio / 20:30 / Ferrol (A Coruña)

Sílvia & Salvador
10 Maio / 20:30

Sílvia Pérez Cruz e Salvador Sobral únense no que será un álbum inesquecible. Os dous cantantes e compositores virarán durante 2025 con “SÍLVIA & SALVADOR”, interpretando un disco de novas cancións que mostra o desexo de dous amigos de levar máis aló a súa amizade e compartila tamén no plano creativo. O proxecto é ademais unha celebración de amizades e inspiracións comúns: compositores e compositoras próximos a Sílvia e Salvador serán os protagonistas do repertorio deste disco escribindo novas pezas para o mesmo. Jorge Drexler, Luísa Sobral ou Lau Noah, entre outros, ofrecerán as súas cancións para a ocasión.
Maresía é unha serie de concertos de gran calibre, con artistas nacionais e internacionais que destacan en distintos xéneros e estilos, coa fin de garantir unha experiencia musical de alto nivel para todos os públicos. O ciclo ten lugar nunha ampla variedade de escenarios repartidos por toda Galicia, brindando a oportunidade de gozar de actuacións en directo inigualables, da man de figuras como Natalia Lafourcade, Iván Ferreiro ou Sílvia Pérez Cruz e Salvador Sobral, entre outras. Maresía non son unicamente concertos, senón noites que traspasan fronteiras de diferentes épocas e sons para brindar experiencias únicas e auténticas.