Romeo Santos & Prince Royce

Dous dos grandes referentes mundiais da bachata chegan a Galicia nunha cita histórica. Romeo Santos e Prince Royce compartirán escenario por primeira vez nunha gran xira conxunta que fará parada na Coruña este verán da man dos Concertos do Xacobeo.

O espectáculo reunirá cancións do seu proxecto común ‘Mejor tarde que nunca’ e temas emblemáticos que marcaron varias xeracións, nunha produción pensada para grandes recintos e público masivo. O público poderá desfrutar dunha noite marcada polo ritmo, a emoción e algúns dos maiores éxitos da música latina contemporánea.