Revenidas

Este setembro o porto de Vilaxoán (Vilagarcía de Arousa) volverá converterse no epicentro da música alternativa e a cultura galega coa celebración do Festival Revenidas, un evento que  ofrece unha experiencia única que combina concertos, gastronomía, circo e actividades para toda a familia.

Así, durante 4 días Vilaxoán encherase de música, mar e cultura con actuacións de grupos e artistas como Fermín Muguruza, Riot Propaganda, Lendakaris Mortos, Heredeiros da Crus, Sés, Baiuca, The Rapants, Dakidarría, Mondra, Bewis de la Rosa, Monoulius Dop, Hugo Guezeta, Galician Army, Sanguijuelas de Guadiana, Filloas, e moitos máis.

Estes artistas presentaranse nos escenarios Porto e Dorna, ofrecendo unha variedade de xéneros que van desde o punk e o ska ata a música tradicional galega.