PortAmérica

O Festival PortAmérica regresa á Azucreira de Portas (Pontevedra) do 3 ao 5 de xullo, nunha nova edición onde a música e a gastronomía serán, de novo, as protagonistas. O cartel deste ano está encabezado por artistas e bandas da talla de Mikel Izal, Love of Lesbian, Melendi, Viva Suecia, Sidonie, Duncan Dhu, Iván Ferreiro, Molotov, Los Tigres del Norte, Ca7riel & Paco Amoroso ou Alcalá Norte, entre moitos outros.

Ademais dos concertos, PortAmérica contará co seu Mercado de Talentos, con marcas e proxectos emerxentes de artesanía e outras disciplinas, e coa programación do seu ShowRocking, onde participarán reputados cociñeiros, consolidando ao PortAmérica como o festival musical e gastronómico máis importante das Rías Baixas, cuhna proposta cultural innovadora que transcende o musical.