Orballo Cultural: Vimianzo

Vimianzo é a primeira parada de Orballo Cultural neste 2026 cun cartel que reúne diferentes estilos e influencias, combinando sons actuais con elementos vinculados á tradición para ofrecer unha experiencia singular ao público asistente. Actuarán Tapa D’Orella, 9Louro e Kike Varela.

Orballo Cultural é un ciclo de concertos itinerante que percorre diferentes puntos da xeografía galega cunha proposta que combina música, gastronomía, pintura e artesanía para poñer en valor o patrimonio material e inmaterial de Galicia. Co apoio dos Concertos do Xacobeo, entre maio e setembro de 2026, Orballo Cultural programará en 10 localidades un total de 18 artistas galegos de estilos e xéneros variados.