One Dance Festival

Vigo converterase no epicentro mundial da música dance o sábado 19 de abril de 2025 co festival One Dance no Instituto Feiral (IFEVI). Este evento, que se desenvolverá desde as 20.00 horas, promete reunir a máis de 5.000 asistentes para revivir os grandes éxitos das décadas de 1990, 2000 e 2020. O evento xa se levou a cabo noutras tres ocasións na Sala Pelícano da Coruña, pero neste 2025 aposta por vez primeira por un formato “festival”, cun público entregado que abarrotará o recinto para rememorar as épocas máis douradas da música dance internacional. O cartel do One Dance Festival de Vigo inclúe a destacados artistas do xénero como Basshunter, DJ Sash!, Floorfilla, Guru Josh Project, Kate Ryan, Marvin & Andrea Prezioso, Nathalie Aarts, Safri Duo, Soniko-DB, Rob & Mark Deluxe e Pablo Méndez Performances, entre outros.