O Son do Camiño

Neste 2025, un dos eventos musicais máis importantes do ano terá de novo lugar en Santiago de Compostela. Decenas de miles de fans da música en directo encherán un ano máis o mítico recinto do Monte do Gozo os días 12, 13 e 14 de xuño, nunha cita con máis de 40 concertos, da man de bandas e artistas indispensables como Kings of Leon, Duki, Bryan Adams, Estopa, Amaral, Bad Gyal, Steve Aoki, Mikel Izal, Kase.O, Dani Fernández, Lia Kali ou Carolina Durante, entre moitos outros. Todos eles completarán unha exquisita programación á altura dos grandes festivais especializados de Europa, onde tampouco faltará un escenario dedicado á mellor música electrónica.

En 2018, O Son do Camiño viu a luz co obxectivo de poñer a Galicia en no mapa do turismo musical nacional, así como promocionar dous dos principais estandartes da cultura galega: o Camiño de Santiago e o Ano Santo. Desde entón, o festival erixiuse como un dos motores turísticos máis importantes non só de Santiago de Compostela, senón de Galicia.

Con máis dun 41% do seu público procedente de fóra de Galicia, con fans chegados de Reino Unido, Portugal, Suíza e Italia, na súa edición de 2024, o Son do Camiño foi o evento de pago máis grande do norte de España, con preto de 130.000 asistentes e posicionándose como un dos dez festivais de maior afluencia de España e o terceiro con máis engagement co público. Hoxe é, sen dúbida, un dos festivais de grande formato máis recoñecidos e queridos. Fiel aos seus obxectivos, en pouco máis dun lustro, O Son do Camiño logrou poñer de novo en órbita a nivel europeo ao Camiño, a Santiago e a Galicia, cun impacto económico e sociocultural indiscutible. Como datos relevantes, cabe mencionar que a ocupación hoteleira de toda a provincia nas datas do festival foi do 100% e que a cita xerou máis de 1.000 postos de traballo directos e máis de 4.000 indirectos en 2024, cun impacto económico directo que superou os 23 millóns de euros.

Co respaldo da Xunta de Galicia, no marco dos Concertos do Xacobeo, O Son do Camiño é, así, un motor turístico e cultural que esgota decenas de miles de entradas en cuestión de horas –non en balde, pode presumir de ter o sold out más rápido a nivel nacional­–. É unha cita feita desde Galicia e para Galicia, que, ano tras ano, oferta una coidada selección de artistas nacionais, internacionais e galegos para converter a Galicia nun epicentro do turismo cultural e todo un referente da música ao vivo, proxectando o Monte Do Gozo compostelán como un dos escenarios máis emblemáticos de toda Europa.