Festivala Mulleres Creando

Neste 2025, Festivala celebra a súa 9ª edición da man de Tanxugueiras, Caamaño&Ameixeiras, Bouba, AC Nós de Sobradelo, Atenea García e Vero Rilo e mais Soñora DJ aos pratos. O festival, organizado pola asociación O Soño de Lilith, pretende poñer en valor o labor das cantareiras como transmisoras da lingua, a cultura e a tradición galegas ao longo dos anos. Ademais dos concertos, tamén se poderá desfrutar de obradoiros de baile tradicional e de pandeireta, impartidos por Maricarmen de Boimorto. A entrada para todas as actuacións é de balde.