Anastacia

A estrela do pop norteamericana chega a Galicia para celebrar o 25º aniversario do seu álbum debut, Not That Kind. As entradas para o concerto da cantante de Chicago esgotáronse xa o pasado verán. Está claro que o seu agardado directo no Gozo Festival, da man dos Concertos do Xacobeo, non defraudará.

Unha das citas máis destacadas no calendario anual dos Concertos do Xacobeo é o Gozo Festival, que neste 2025 achega a Galicia figuras internacionais de renome como Lenny Kravitz (nun concerto no que contará con Estrella Morente como artista convidada), David Guetta, Alanis Morissette, Maná ou Lionel Richie, ademais de novos nomes que pouco a pouco seguirán a anunciarse.

Neste 2025, o Gozo Festival consolídase co apoio da Xunta de Galicia para celebrar a súa terceira edición coa singularidade artística como estandarte, con estrelas mundiais de estilos musicais ricos e plurais, para o goce dos públicos máis diversos, ofertando oportunidades únicas de ver na nosa terra, en exclusiva, xiras mundiais de renome.

Outra das súas singularidades do Gozo Festival é que se trata dun evento espallado no tempo, con concertos que se dosifican ao longo de todo o ano, que axuda a desestacionalizar o turismo e que xera un impacto económico moi salientable e positivo, promovendo o emprego e gasto nas cidades que o acollen.