17º Ribeira Sacra

Música, terra, arte e gastronomía. Unha contorna única como é a Ribeira Sacra serve de escenario para un festival diferente que busca conectar ao público co territorio, creando momentos máxicos. Gastronomía con chefs estrela Michelin, artistas locais e vangardistas, tradición vitivinícola e patrimonio danse a man no 17º para ofrecer unha experiencia total, onde priman a calidade, a sustentabilidade e o coidado da contorna.

O festival, galardoado por cuarto ano como ‘Best Small Festival’ nos Iberian Festival Awards, celebrarase do 18 ao 20 de xullo cunha programación que vira ao redor da música, a paisaxe, a gastronomía, o patrimonio e a arte. Julieta Venegas e The Jayhawks encabezan un cartel con escenarios únicos como Adegas Regina Viarum, miradoiros e un catamarán polo río Sil, onde se celebrará o Concerto Sorpresa Momentos Alhambra.