Bright Eyes

Liderados por Conor Oberst, a banda de culto BRIGHT EYES chega o 11 Xullo á sala Capitol de Santiago de Compostela para estrearse tamén nos escenarios galegos. Consolidados como un dos grupos de referencia do indie de principios do século XXI con discos como “Lifted” ou “I’m Wide Awake, It’s Morning”, as súas letras introspectivas e o seu estilo indie folk fixeron de Oberst unha das voces máis representativas do xénero. Acaban de publicar o seu 11º álbum, “Five Di, All Threes”, un traballo que conta coas colaboracións de Cat Power ou Matt Berninger (The National).

Unha das citas máis destacadas no calendario anual dos Concertos do Xacobeo é o Gozo Festival, que neste 2025 achega a Galicia figuras internacionais de renome como Lenny Kravitz (nun concerto no que contará con Estrella Morente como artista convidada), David Guetta, Alanis Morissette, Maná ou Lionel Richie, ademais de novos nomes que pouco a pouco seguirán a anunciarse.

Neste 2025, o Gozo Festival consolídase co apoio da Xunta de Galicia para celebrar a súa terceira edición coa singularidade artística como estandarte, con estrelas mundiais de estilos musicais ricos e plurais, para o goce dos públicos máis diversos, ofertando oportunidades únicas de ver na nosa terra, en exclusiva, xiras mundiais de renome.

Outra das súas singularidades do Gozo Festival é que se trata dun evento espallado no tempo, con concertos que se dosifican ao longo de todo o ano, que axuda a desestacionalizar o turismo e que xera un impacto económico moi salientable e positivo, promovendo o emprego e gasto nas cidades que o acollen.