Orballo Cultural: Marín

Orballo Cultural chega a Marín o 14 de agosto cunha noite protagonizada por Mondra, Ortiga e a dupla Bonita & Sabrosa. Con entrada gratuíta, a cita reunirá a proposta persoal de Mondra, na que dialogan tradición e sonoridades contemporáneas, coa mestura de ritmos latinos, música popular e espírito de verbena de Ortiga, antes de pechar a noite cunha sesión de Bonita & Sabrosa.

Co apoio dos Concertos do Xacobeo, Orballo Cultural percorre diferentes puntos da xeografía galega cunha proposta que combina música, gastronomía, pintura e artesanía para poñer en valor o patrimonio material e inmaterial de Galicia.