Verbena Xacobea: A Historia da Verbena

‘Historia da Verbena’, da Oca Band, é unha proposta musical que reivindica a cultura da verbena e a súa importancia dentro da identidade festiva galega. O espectáculo forma parte da programación das Festas do Carme e A Fraga, unha das grandes celebracións do verán nas Pontes.

A través da música en directo, La Oca Band percorre diferentes épocas e estilos vinculados ás verbenas populares, combinando clásicos da música de baile con temas máis actuais e unha posta en escena pensada para a participación do público. A proposta recupera así o espírito das grandes festas populares galegas, nas que a música, o baile e o encontro arredor do escenario forman parte da celebración colectiva.

No marco dos Concertos do Xacobeo, ‘A Historia da Verbena’ pon en valor unha das expresións culturais máis arraigadas de Galicia e actualízaa a través dun espectáculo pensado para todos os públicos.