Osa do Mar

A Asociación Cultural Fanto Fantini celebra por novena vez Osa do Mar, o seu festival de música sen ánimo de lucro na Mariña de Lugo, un evento que conta co apoio dos Concertos do Xacobeo.

Cada ano preséntase un cartel orixinal e divertido, no que conviven diferentes estilos musicais. Fiel á liña trazada desde os inicios, a programación aposta con forza por grupos emerxentes. O festival aposta pola proximidade cos artistas, pola emoción de bailar en directo, polo pracer de gozar da gastronomía de Burela e pola experiencia compartida de conversar, brindar e abrazarse ao ritmo da música.