WOS Festival

En setembro de 2026, Santiago de Compostela volverá converterse no epicentro da cultura contemporánea coa celebración da novena edición do WOS Festival x SON Estrella Galicia, que terá lugar os días 11, 12 e 13 de setembro. Durante tres xornadas, a cidade acollerá unha programación multidisciplinar na que convivirán música, artes visuais, cinema, artes escénicas, pensamento e experiencias inmersivas, ocupando espazos tan singulares como igrexas, teatros, auditorios, salas de exhibición e edificios patrimoniais.

Desde o seu nacemento, o WOS Festival consolidouse como unha das citas de referencia da creación contemporánea en Europa, apostando por unha programación innovadora que establece un diálogo único entre o patrimonio histórico de Santiago e as propostas artísticas máis vangardistas do panorama nacional e internacional. Recoñecido como Mellor Festival Indoor de Europa nos European Festival Awards e Mellor Festival Indoor Nacional nos Iberian Festival Awards, o festival conta co apoio dos Concertos do Xacobeo.