Costa Feira: Electrolatino

Electrolatino by Juan Magán incorpórase á programación de Costa Feira como unha proposta que celebra un dos fenómenos musicais máis populares das últimas décadas. O ciclo desenvolverase en Sanxenxo ao longo de catro xornadas, os martes 28 de xullo e 4, 11 e 18 de agosto, reunindo a artistas de referencia do xénero como Henry Méndez, Danny Romero, Jose de Rico, Anthony & Yeigo, Jay Santos, Marc Magán e Mar Lucas.

A iniciativa recupera a enerxía e o espírito dunha escena musical que transcendeu os escenarios para converterse en parte da cultura popular, a través dunha combinación de ritmos latinos, pop, electrónica e música urbana que marcou toda unha xeración.

Con esta proposta, apoiada tamén por Concertos do Xacobeo, Costa Feira continúa ampliando a súa oferta cultural e de lecer, consolidándose como unha das grandes citas do verán en Galicia e ofrecendo experiencias musicais dirixidas a públicos diversos nunha contorna única.