Xoel López

Xoel López é, sen dúbida, un dos artistas musicais máis solventes e representativos da escena independente iberoamericana. Se seguimos de preto a súa discografía podemos empaparnos das súas vivencias: viaxes, descubrimentos, encontros, nostalxias e influencias musicais son a base fundamental na que se apoian as súas cancións.

Este mes de setembro aterra en Fisterra no marco de Concertos do Xacobeo cun concerto no que fará un repaso do repertorio de éxitos de álbumes como Paramales ou Sueños y Pan, pero tamén do seu último disco Si mi rayo te alcanzara. Tres traballos que resumen unha vida chea de vivencias e influencias musicais.