WOS Festival x SON Estrella Galicia

WOS é un evento de carácter anual que defende unha visión ampla da cultura alternativa e de vangarda. Coa música como motor principal, pero con vocación multidisciplinar, promove a partir dun contexto íntimo a procura e difusión de novas propostas culturais. O festival ten lugar nunha ducia de localizacións culturais e turísticas de Santiago de Compostela, utilizando entre outros espazos teatros, dous museos, un cinema, un parque, dúas salas de concertos ou dúas igrexas. Todo o evento é unha ruta turística, arquitectónica e artística pola cidade. A programación propón actividades de diversa natureza (música, audiovisual, cinema, coloquios...) en espazos extraordinarios de capacidade moi reducida que garantan unha experiencia única.