VilaBlues Ferrol

Os días 4, 5 e 6 de agosto chega a Concertos do Xacobeo a sétima edición do festival internacional de música afroamericana VilaBlues, unha cita con vocación itinerante nada en Vilagarcía e que, tras o seu paso por Noia, este 2022 aspira a consolidarse en Ferrol como un proxecto de cidade, que introduce unha nova oferta cultural na tempada estival do lugar, co blues como bandeira. Primeiras figuras como Roy Ellis & The Sound Doctors e Michelle David & The True Tones encabezan o cartel dun evento que se caracteriza pola súa aposta por unha coidada programación e posta en escena.