Rock entre Pedra e Poesía

O ciclo Rock entre Pedra e Poesía ten como principal obxectivo que, a través da música de sempre, se resalte un espazo de incríbel valor patrimonial e cultural. O que pretende é que o rock, como unha das principais vías de expresión socioculturais do século XX, e o patrimonio arquitectónico e cultural do claustro do Mosteiro de San Salvador de Celanova conxuguen á mesma altura, ofrecendo, así, unha experiencia única. O evento conta co apoio da Xunta de Galicia a través da Axencia Turismo de Galicia, no marco dos Concertos do Xacobeo.