Latitudes

Chegan boas noticias desde alta mar. Este verán trae consigo o regreso dun gran festival á cidade de Vigo. Dous días da mellor música nun recinto no corazón da urbe: o Peirao de Transatlánticos de Vigo, os días 19 e 20 de agosto. Iggy Pop, Two Door Cinema Club, The Vaccines, Mando Diao e moitos máis estrearán o primeiro Festival Latitudes de Vigo este agosto, no marco de Concertos do Xacobeo. Latitudes, que forma parte da programación musical do Xacobeo 21-22, conta cun cartel de artistas de talla internacional e con moito talento galego de primeiro nivel, como Bala, Aphonnic, Zålomon Grass e Furious Monkey House.