Grandes del Gospel

Chicago Mass Choir, coñecidos como os embaixadores do gospel, regresan a Europa con Sweet Home Chicago, unha nova produción de Grandes do Gospel, unha homenaxe musical á cidade onde naceu este xénero. O espectáculo percorre os clásicos do gospel dos anos 30, 40 e 50, lembrando lendas como Thomas A. Dorsey e Mahalia Jackson.

Fundado en 1988 por James C. Chambers, o coro emocionou públicos de todo o mundo coa súa enerxía, as súas harmonías e as súas mensaxes de esperanza. Os seus discos alcanzaron as listas de Billboard en múltiples ocasións e colaboraron con artistas como Bob Dylan, ademais de participar en grandes producións e festivais internacionais.

Desde 2003 realizan xiras europeas, estreándose en España no ano 2011. En 2023 triunfaron en A Coruña con BB King Sings Spirituals. Agora regresan á cidade herculina no marco dos Concertos do Xacobeo coa súa nova xira, nun directo único co que volverán a demostrar por que o gospel segue a ser unha das músicas máis conmovedoras do mundo.