Don Patricio

Os ritmos urbanos de Don Patricio aterrarán no ciclo Costa Feira de Sanxenxo o venres 8 de agosto, onde o cantante, rapeiro e compositor español ofrecerá unha música cargada de enxeño, humor e unha forte conexión coas súas raíces.

Desde o seu éxito arrasador Contando lunares ata as colaboracións con estrelas como Anitta ou Raw Alejandro, Don Patricio demostrou estar en constante evolución, gañándose o respecto da industria e o cariño dun público cada vez máis numeroso.

O seu concerto en Costa Feira será unha oportunidade única para gozar dos seus grandes éxitos e dos seus temas máis recentes, como La demora, un novo hit relaxado e divertido que reflicte a súa faceta máis persoal e unha indiscutible madurez artística.

Este verán, co impulso dos Concertos do Xacobeo, regresa a Sanxenxo un carismático evento que reúne o mellor do pop rock español das últimas décadas, nun mes inesquecible de concertos e experiencias para toda a familia. Do 25 de xullo ao 25 de agosto, ¡benvidos ao Festival Costa Feira!