Trueno

Trueno chega a Galicia con Bien o Mal, o seu segundo álbum que dá nome á súa xira actual. O artista, que non deixa de cultivar éxitos como Dance Crip realizou colaboracións con grandes artistas como Nicki Nicole e Bizarrap no seu tema Mamichula, chega a Concertos do Xacobeo disposto a poñer ao público de Arteixo en pé o venres 22 de xullo.

Os asistentes poderán gozar, xunto aos seus últimos hits, os mellores temas de Atrevido, o seu primeiro álbum, que tivo unha aceptación popular sen precedentes, situando nove das cancións do álbum dentro do Top 50 de Spotify Arxentina. O seu segundo álbum, Bien o Mal, supera os 600 millóns de reproducións a nivel global. Trátase dun manifesto sonoro que mostra unha crítica visión do mundo actual, revisitando o pasado e mirando o futuro con tan só 20 anos. Este último traballo, que presentará  ante a audiencia de Arteixo, inclúe temas como Panamá, xunto a Duki, ou Argentina, xunto á artista Nathy Peluso.