Rober & Piru

Rober & Piru son dous amigos de Valdeorras que deciden unir as súas forzas para facer versionar algunhas das mellores cancións do rock dos anos 80 e 90, con pinceladas de pop e moita diversión. No seu directo non faltarán temas de Queen, Europe, Bon Jovi ou Medina Azhara. Variedade e bo gusto é o que promete o dúo.

A terceira edición de Terrasón regresa ao Barco con oito propostas musicais este verán de 2022. O ciclo ao aire libre arrinca o venres 5 de agosto da man de Xógara & Owl Light Trío e esténdese ata o próximo 4 de setembro, co broche de Magín Blanco, en sesións musicais de noite e de mediodía, que apostan polos artistas locais e teñen as terrazas da localidade galega como grandes protagonistas.