Resurrection Fest

Este 2022, o festival metaleiro por antonomasia regresa para celebrar unha das súas edicións máis memorables: cinco días e máis de 120 bandas repartidas polos tres escenarios que conforman o recinto do Resurrection Fest en Viveiro. A cita internacional agarda máis de 140.000 asistentes vidos de ata 40 países.

Esta edición presume de ser a máis forte de toda a súa historia. Coa intención de continuar celebrando os seus 15 anos de vida, o festival regresa para brindarnos un evento único encumeado polas actuacións de referentes internacionais como Avenged Sevenfold, con data única e exclusiva no noso país, Judas Priest, Sabaton e Deftones, ademais dos shows de Bring Me The Horizon, Rise Against, Amenra e moitos outros grupos de renome.