Muse

Un dos pratos fortes internacionais máis esperados do programa Concertos do Xacobeo terá lugar o 8 de setembro no estadio de Balaídos de Vigo coa presenza do grupo británico Muse. O de Vigo será un dos poucos concertos que a banda ofreza en solitario en España. Nel presentará os temas do seu novo disco Will of the People, que ten previsto publicarse a finais agosto de 2022. Como teloneiros do seu potente directo o público poderá gozar dos vigueses The Killer Barbies e do grupo Years & Years. A troupe integrada por Matthew Bellamy, Christopher Wolstenholme e Dominic Howard leva xuntos desde a súa fundación en 1994. Desde a publicación do seu primeiro disco de estudo, Showbiz, en 1999, Muse converteuse nun dos grupos máis influentes a nivel mundial co seu rock progresivo e electrónico.