Marc Anthony

Marc Anthony, o rei da salsa, presenta en Galicia Opus (Sony Music), o seu primeiro álbum de estudo en seis anos e o seu oitavo desde que Otra nota (1993) lle posicionase nun lugar destacado dentro do mundo da música. Gravado en Miami e lanzado o pasado mes de maio, está composto por dez temas que conforman unha obra mestra de salsa de vangarda. Dentro da súa xira internacional Pa’lla Voy Tour, o latino chega a Concertos do Xacobeo na que será unha ocasión magnífica para gozar en directo do seu novo traballo e de éxitos como Valió la pena ou Vivir mi vida.