Magín Blanco

Magín Blanco é un músico galego de longa traxectoria. A súa carreira musical comezou nos 80 co grupo La Rosa, formación da que foi líder indiscutible e coa que publicou catro discos entre 1988 e 1995. Desde o ano 2006, lanza tres traballos en solitario para logo centrarse na música infantil. Unha característica esencial de todos os traballos de Magín Blanco é a calidade das súas letras e as súas músicas, así como unha atención especial aos valores que se transmiten nas súas cancións, que apostan pola liberdade, a solidariedade e a alegría. Toda esta materia prima convértese en directos nos que a interacción e a diversión están garantidas. No Barco presentará o seu novo proxecto O camino da luz, un libro que recolle a vida e obra dun músico único.

A terceira edición de Terrasón regresa ao Barco con oito propostas musicais este verán de 2022. O ciclo ao aire libre arrinca o venres 5 de agosto da man de Xógara & Owl Light Trío e esténdese ata o próximo 4 de setembro, co broche de Magín Blanco, en sesións musicais de noite e de mediodía, que apostan polos artistas locais e teñen as terrazas da localidade galega como grandes protagonistas.