Los Mecánicos

Especialistas en música en directo dos anos 60, Los Mecánicos é unha das bandas de versións pioneiras en Galicia. No Barco prometen unha inesquecible sesión vermú de tributos con grandes éxitos do pop e do rock internacional, nacional e galego, dos Beatles a Raphael, pasando por Los Bravos, Los Grincos ou Andrés do Barro, entre moitos outros.

A terceira edición de Terrasón regresa ao Barco con oito propostas musicais este verán de 2022. O ciclo ao aire libre arrinca o venres 5 de agosto da man de Xógara & Owl Light Trío e esténdese ata o próximo 4 de setembro, co broche de Magín Blanco, en sesións musicais de noite e de mediodía, que apostan polos artistas locais e teñen as terrazas da localidade galega como grandes protagonistas.