Fito & Fitipaldis

Despois de completar a xira nacional máis multitudinaria, Fito & Fitipaldis preséntase de novo en directo este 2022 nun formato que achegará ao público un ambiente máis íntimo, no que se poderán escoitar cancións do seu último disco Cada vez cadáver e os clásicos da banda, interpretados cun matiz diferente. Para iso, Fito Cabrales incorpora á súa troupe de Fitipaldis a Jorge Arribas e Diego Galaz de Fetén Fetén, que, xunto a Carlos Raya, Javier Alzola, “Boli” Climent e “Coki” Giménez completarán a banda que percorrerá durante outono e inverno algúns dos teatros e auditorios máis significativos do noso país. En Galicia poderá verse, da man de Concertos do Xacobeo, dúas únicas datas, en Vigo e A Coruña. Dúas ocasións únicas para gozar de Fito & Fitipaldis nun formato moi especial.