Armadiña Rock

Este 2022, regresa o Armadiña Rock cunha nova edición do festival, que mantén o seu espírito orixinal e levará o mellor do rock, o punk e o metal á vila mariñeira de Combarro. A nova edición do festival gratuíto Armadiña Rock terá lugar os días 26, 27 e 28 de agosto de 2022 na Praza da Chousa dunha das localidades con maior encanto de Pontevedra. No seu cartel destacan nomes como Reincidentes, Dasakato, Rebeliom do Inframundo, Tremenda Jauría ou MJ Pérez coa súa banda. En paralelo aos concertos e como complemento á programación musical, haberá diferentes actividades para todos os públicos.