A Quenlla

A Quenlla nace en 1984 como unha agrupación para dinamizar a cultura galega e, de xeito especial, a canción. Desde os seus inicios, A Quenlla puxo unha especial atención na cultura tradicional, asumindo como base a memoria colectiva. O seu primeiro traballo, Os tempos inda non, non son chegados, é un monográfico de pezas onde se abordan os principais problemas que ten Galicia, a través de poemas musicados de Manuel María, Celso Emilio Ferreiro e Darío Xoán Cabana. Desde entón, as súas cancións veñen sendo unha mestura de música tradicional recollida directamente por eles mesmos con outra música baseada en textos doutros  autores.