Nowie & The Barbers

O trío acústico de pop, rock e country Nowie & The Barbers chega coas súas coidadas versións ao Barco nunha animada sesión vermú, para ofrecer -da man da elegante voz da súa front woman Noa Gómez- unha viaxe pola historia da música española e anglosaxona, desde a psicodelia setenteira de Janis Joplin ata as poéticas cancións de Rozalén, pasando por Bon Jovi, Talking Heads ou Mikel Erentxu.

A terceira edición de Terrasón regresa ao Barco con oito propostas musicais este verán de 2022. O ciclo ao aire libre arrinca o venres 5 de agosto da man de Xógara & Owl Light Trío e esténdese ata o próximo 4 de setembro, co broche de Magín Blanco, en sesións musicais de noite e de mediodía, que apostan polos artistas locais e teñen as terrazas da localidade galega como grandes protagonistas.