La Guardia + Danza Invisible

Con Javier Ojeda á cabeza, Danza Invisible ten tantos éxitos como quilómetros percorridos desde que despegara con forza contra finais dos 80. A banda chegará este mes de agosto a Palas de Rei cunha enerxía renovada, disposta a dar renda solta a temas míticos da súa discografía, como Sabor de amor, A este lado de la carretera, Reina del Caribe ou Naturaleza muerta, entre outros.

Pola súa banda, Manuel España construíu e participou na movida dos 80, aínda que o éxito de La Guadia chegoulle a principios dos 90, con temas que romperon os moldes da radiofórmula, como Cuando brille el sol ou Mil calles llevan hacia ti, e que non poden faltar en cada un dos seus directos.

Seguramente cantaches mil veces as súas cancións. Son temas que pertencen á fórmula orixinal. Son artistas clásicos que gañan co tempo e a perspectiva. Son composicións que forman parte da nosa historia musical e que nunca quedarán no esquecemento. Por iso, Los40 Classic decidiron traer a Galicia unha colección de directos para non esquecer!