Eagles of Death Metal

A banda de Jesse Hugues, formada no 1998 xunto con Josh Homme, estréase en Galicia con novo disco e todo o seu arsenal de hits. Xa sabedes, os californianos coas súas guitarras, suor e diversión poñen do revés cada festival que visitan. Imaxinade o que pode pasar nunha sala como Capitol!

Neste 2022, e co gallo da celebración do Xacobeo 21-22, regresan os directos do Ciclo Xacobeo Importa, que afronta a súa 11ª edición cunha coidada oferta de concertos de bandas internacionais polas principais cidades galegas.

O Ciclo Xacobeo Importa naceu no 2008 co obxectivo de achegar a Galicia o talento de recoñecidas artistas internacionais, referentes nos seus respectivos estilos, nun formato especial, máis próximo ao público, e que situase a nosa comunidade dentro dun circuíto de xiras internacionais que chegan á Península alén da tempada estival.