Caudal Fest

Caudal Fest chegará a Lugo para celebrar a súa cuarta edición os días 16 e 17 de setembro de 2022. Será unha cita cunha programación moi coidada, pensada para diferentes tipos de públicos, con proxección internacional e de grandes dimensións. O festival, que conta co Concello de Lugo como patrocinador principal e enmárcase dentro do programa da Xunta de Galicia Concertos do Xacobeo, terá lugar nun espazo privilexiado e único: a contorna do río Miño, que se dotará de todos os servizos e converterá ao evento nun dos festivais urbanos con maior atractivo ambiental. No seu cartel danse cita grandes nome da escena musical actual, como León Benavente, Estopa, Ilegales, Robe ou Morad.