Hombres G

Desde as súas orixes en 1983, o grupo madrileño formado por David Summers, Dani Mezquita, Rafa Gutiérrez e Javi Molina non deixou de cultivar logros a este e o outro lado do Atlántico. O luns 15 de agosto, a banda presentarase en concerto en Lugo, no exterior do Auditorio Gustavo Freire, dentro da programación musical do Xacobeo 21-22.

Devuélveme a mi chica, Venezia, Te quiero, Visite nuestro bar, Lo noto, Temblando, Suéltate el pelo e outros himnos xeracionais soan nos seus directos con rotundidade xunto ao seu disco máis recente La esquina de Rowland, que devolveu aos madrileños aos primeiros postos das listas de éxitos.

O público de Lugo poderá bailar con estes catro amigos que comezaron moi novos tocando en pequenas salas da capital e que seguen gozando xuntos da música e da amizade. E é que a música de Hombres G foi a banda sonora de moitas xeracións e o será por moitos anos máis.