Festa da Carballeira de Zas

Este 2022, a Festa da Carballeira de Zas, un dos festivais de folk máis importantes do calendario nacional e internacional, con preto de catro décadas de historia, celebra a súa 37ª edición cun cartel no que destacan nomes como Heredeiros da Cruz, Mileth, Rura ou Xisco Feijoó. O evento, que reúne a algunhas das bandas de folk de maior renome de hoxe e de sempre, contará tamén con actividades para toda a familia e unha sesión vermú aderezada por Xabier Díaz e as Adufeiras de Salitre. A festa, declarada de Interese Turístico Galego no ano 2020, contará, ademais, cunha ampla oferta gastronómica e unha feira de artesanía.